Берел қорғанына саяхат

Шығыс Қазақстан облыстық тарихи-мәдени мұраны қорғау мекемесі облыстың қасиетті нысандарына саяхаттар ұйымдастыруды жалғастыруда. Өлкеміздің тарихи-мәдени мұрасымен жастарды таныстыру мақсатында экскурсиялар өткізіледі.

Осы жылдың тамыз айында Серебрянск қаласының ерекше білім беру қажеттіліктері бар балаларды қолдау орталығының тәрбиеленушілері үшін Катонқарағай ауданындағы Берел қорығына көшпелі саяхат өткізілді. 

"Берел" қорық-мұражайының қызметкерлері балаларды көшпелі ақсүйектердің мәңгілік мұздан табылған жерлеу орындарының, сондай-ақ аң стилінде жасалған жоғары көркем бұйымдардың арқасында бүкіл әлемге танымал болған Берел қорғандарымен таныстырды. Балалар элиталық тұлғалардың жерленген жерлеріне салынған саркофаг мұражай кешендеріне барды.

Саяхат аясында балалар XX ғасырдағы көрнекті қазақ жазушысы Оралхан Бөкейдің балалық шағын өткізген Шыңғыстай ауылындағы мұражай-үйіне барды, сондай-ақ  марал өсіру шаруашылығына барып, маралдар туралы көптеген қызықты деректерді білді.

Катонқарағай ауданына сапар балаларға киелі жерлерге қол тигізіп қана қоймай, таза ауамен, қар басқан тау шыңдары мен қалың балқарағай ормандарының әдемі көп түсті табиғат көріністерімен рахаттануға мүмкіндік берді.