"Біздің айналамыздағы ескерткіштер" ақпарат күні"

Өскемен қаласының ескерткіш ғимараттарында орналасқан ұйымдардың қызметкерлері үшін облысымыздың тарих және мәдениет ескерткіштері бойынша ақпараттық-танымдық іс-шара өткізілді.
Қала тұрғындары өздері жұмыс істейтін ғимараттың тарихын ғана емес, сонымен қатар тарихи-мәдени маңызы бар Шығыс Қазақстанның сәулет, археология ескерткіштері мен монументалды құрылыстары туралы да білді.
Тарих және мәдениет ескерткіштерінің ғимараттарында, бұрынғы шарап дүкенінде (1907 жыл), алтын өндірушісі А. С. Меновщиков салған шарап жертөлесі бар үйде (ХХ ғасырдың басында), балық өндірушісі И.Д. Подойниковтың үйінде (1899 жыл), бұрынғы "Теремок" ательесінің ғимаратында (ХХ ғасырдың 50 жылдары) қазір әртүрлі ұйымдар орналасқан. Бұл ұйымдардың қызметкерлерінің көпшілігі өз ғимараттарының тарихын және қала тарихын жақсы білетіні мақтауға тұрарлық.