Оралхан Бөкейдің мұражай-үйі, ХХ ғасырдың 40-жылдары
14.10.2022
2003 жылы жазушының 60 жылдық мерейтойына орай туған жері Катонқарағай ауданы, Шыңғыстай ауылында Оралхан Бөкейдің мұражай-үйінің салтанатты ашылуы болды. Бұл жазушының балалық шағы өткен Қатонқарағайға тән кәдімгі ағаш үй. О.Бөкейдің Алматыға кеткеннен кейін көп жылдар бойы қаңырап бос тұрған үй 2003 жылы ғана Катонқарағай мәдениет бөлімінің шешімімен жерлесін еске алып, Оралхан Бөкеевтің мұражай-үйі болып қайта жаңғыртылды.
Осы уақыт бойы мұражай үйі жазушының 2005 жылы өмірден озған әпкесі Шолпанның бақылауында болды.
Аулада, кіреберістің алдында О.Бөкейдің мемориалдық ескерткіші бар. Жазушының бюстін мүсінші В.Самойлов жасаған.
Музей-үйдің іші 4 бөлмеден тұрады: асхана, холл, ата-аналар бөлмесі және жазушының өзіне арналған демалыс бөлмесі. Мұражай экспозициясы жазушының ата-анасы мен Оралханның өзіне тиесілі тұрмыстық бұйымдармен ұсынылған.
